Riunione di famiglia
Capiddi tagghiati,
varba già fatta
scarpi allustrati,
giacca e cravatta.
Vestito elegante
paru Brunello
è solo mancante
un fiore all’occhiello.
Cu vieni vieni mi runa ‘na vasata
quanti complimenti mi fannu st’ainnata
«Persona stupenda, davvero speciale»
io ‘i taliu e mi pare puru male.
‘Un ci sugnu abituatu a tuttu stu priu
menumale ca na facci ‘un m’arrussìu.
Ma poi sugnu misu a malu puoistu
impupato e fiermo come un craistu
mi vulissi muoviri, farimi ‘na passiata
ma un po iessiri, è ‘na mala pinsata.
Ci sunnu tutti: amici, parienti
vicini, lontani, muorti e viventi.
Unn’è ca pigghia e mi nni pozzu iri,
quantu menu si mittissiru a buciari!
Certu unn’è ca s’a pigghiassiru cu mia
dopo n’anticchia ci fussi puru allegria
‘u fattu è ca ‘unn’è tanto noimmale
ca unu si nni va r’u so funerale.
Notifiche desktop
Bella!! bravo Vicè… 🙂
…è MIO CUGINOOOOOOO!!!!!! Bella Viciooooo!!! Baciddi tutti pì tia! 🙂
mi piace!
davvero geniale 😀