Sicilia…’na picciridda ca curri scantata

«Un posto ci sarà
per essere felici
cantare a squarciagola
e dici tutt’ chell’ ca vuo’ tu
Un posto ci sarà
dove si spera ancora
la gente porterà
una storia nova
io son pazzo di te
‘e chesta furtuna
Sicily
terra ‘e nisciuno…».

Chista è ‘a Sicilia, terra ‘i nuddu
Nuddu ca parra, nuddu ca dici,
Nuddu ca sape, nuddu ca senti
Nuddu ca vole, nuddu ca fici
O pî sarbariti strinci ch’i renti
Terra ‘nfame, bedda e dannata
Terra di suli, mari e biddizzi
Terra ca canta lunniannu ‘a jurnata
Capiddi rizzi, vasate e caprizzi
Terra ca ferma e isulata nascisti
Terra ca lassata e sula campasti
Terra ca, un ti nni adduni e muristi
E pi nu vasu, na carizza prejasti
Nuddu ca mori pi tìa comu Matri
Nuddu ca parra cu tìa comu Frati
Nuddu ca preja pi tìa comu Patri
Semu figghi pi finta innammurati
Si na cosa bedda e delicata
Si na picciridda ca curri scantata
Si na panzata di aria priata
Aria di ’nvernu d’estati addisiata
Chista è ‘a Sicilia, terra ‘i nuddu…
…cca semu ‘n Sicilia, terra ‘i tutti!